Plantun de Prouvènço

Pèr coumpara dos planto d'encò nostre

Petrocallis pyrenaica & Lithospermum officinale

Petrocallis pyrenaica

Brassicaceae Cruciferae

Nom en français : Drave des Pyrénées.

Descripcioun :
Lou cauri-di-pirenèu trachis tambèn dins lis Aup, dins li tepiero roucaiouso, lis esboudèu e sus lou roucas cauquié. Es uno poulido planto naneto que fai de couissin fin qu'à 20 cm de diamètre. Se recounèis peréu bèn à si fueio un pau peludo e di tres partido (fotò).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Pichoto planto lignouso
Taio : 2 à 5 cm
Fueio : alterno
Tipe bioulougico : Camefite
Cicle bioulougico : Planto renadivo

Gènre : Petrocallis
Famiho : Brassicaceae
Famiho classico : Cruciferae

Ordre : Brassicales

Coulour de la flour : Roso
Petalo : 4
Ø (o loungour) flour : 5 à 9 mm
Flourido : Printèms - Estiéu

Sòu : Ca
Autour basso e auto : 1800 à 3000 m
Aparado : Noun
Jun à avoust

Liò : Roucas - Tepiero roucaiouso - Roucaio - Esboudèu
Estànci : Subaupen à Aupen
Couroulougi : Ouroufito-Éuropenco
Ref. sc. : Petrocallis pyrenaica (L.) R.Br., 1812 (= Draba pyrenaica L., 1753 )

Erbo-di-perlo

Lithospermum officinale

Boraginaceae

Àutri noum : Erbo-de-la-perlo, Erbo-perliero, Tè-perla.

Noms en français : Grémil officinal, Herbe aux perles.

Descripcioun :
Aquelo planto, un pau grando, se recounèis majamen à si fru blanc qu'esbrihon coume de perlo. Autramen, quouro flourejo, sèmblo proun à l'erbo-de-la-pisseto, mai èi proun grando, majamen si fueio. Peréu s'atrobo pas dins li mémi relarg.

Usanço :
L'erbo-di-perlo èi couneigudo pèr bèn ajuda à pissa (diuretico). Sougno li graviho dóu ren. Se pren en tisano un cop la planto seco. Servié peréu pèr leva de gran dis iue emé la grano (de bouta souto la parpello de dessouto).